Müsüriň köpçülikleýin habar beriş serişdeleriniň berýän maglumatyna görä, Müsürde Hamas bilen töwellaçylaryň arasynda Gazada hüjümleriň bes edilmegi üçin geçirlen gepleşikleriň birinji tapgyry netijeli geçdi.
Al-Qahere Nýus, gepleşikleriň Gyzyldeňiziň kenarynda ýerleşýän dynç alyş şäherçesi Şarm Al-Şeýhde geçirlendigini we gepleşik tapgyrynyň dowam etjekdigini mälim etdi.
Ysraýylly wekiliýet hem aýlawly gepleşikler üçin duşenbe güni şähere geldi.
Gepleşikler ABŞ-nyň Prezidenti Donald Trampyň uzak möhletli ylalaşyk we Ysraýyl bilen Hamasyň arasynda ýesirleriň we tussaglylaryň boşadylmagy üçin beren teklibine laýyklykda geçirilýär.
Oňyn atmosfera
Müsüriň köpçülikleýin habar beriş serişdeleri töwellaçylar bilen Hamasyň arasyndaky gepleşikleriň netijeli geçendigini habar berdi.
Hamasly wekiliýetiň gepleşiklerde Ysraýylyň Gaza guraýan bombaly hüjümlerini dowam etdirmeginiň ýesir çalşygyna zeper ýetirýändigine ünsi çekendigi nygtaldy.
Hamas bilen Ysraýylyň arasyndaky aýlawly gepleşikler duşenbe günü agşamlara Müsüriň, Kataryň we ABŞ-nyň töwellaçylyk etmeginde başlady.
Tramp: “Uly öňegidişlik”
Duşenbe güni Ak Tamda metbugata beýannama beren Tramp, Gaza meselesinde ylalaşyk gazanylmagy boýunça öňe gidişligiň edilendigini aýtdy.
Hamasyň gepleşiklerde içgin çemeleşýändigini aýdan Tramp “Hamas esasy ugurlary kabul edýändigini beýan etdi” diýdi.
Tramp degişli taraplaryň meýilnamanyň üstünde işleýändigini belledi.
Ysraýylyň Premýer-ministri Binýamin Netanýahunuň teklibe oňyn garaýandygyny aýdan Tramp, Türkiýäniň Prezidenti R. T. Erdogan bilen hem mesele hakynda pikir alyşandygyny we Erdoganyň Gazada ylalaşyk gazanylmagy üçin tagalla edýändigini belledi.
