Saglygy goraýyş guramalarynyň işgärleriniň maglumatyna görä, ýekşenbe güni basylyp alnan Gündogar Iýerusalimiň demirgazygynda ýerleşýän Al-Ram şäherinde ysraýylly esgerleriň ot açmagy netijesinde bir palestinaly ýaralandy.
Palestinanyň Gyzyl Ýarymaý jemgyýeti beren beýanatynda, Al-Ram şäherindäki bölünşik diwaryň golaýynda Ysraýylyň güýçleri tarapyndan buduna atylyp ýaralanan ýaş palestinala ilkinji tiz kömegiň berlendigi we soň bolsa ýaş oglanyň hassahana äkidilendigini habar berdi.
Hüjümiň sebäbi barada jikme-jik maglumat berilmedi.
Ysraýylyň goşuny köplenç Ysraýylda işlemek üçin bölünşik diwaryndan geçmäge synanyşýan palestinaly işgärlere ot açýar.
Beýleki tarapdan bolsa Palestinanyň resmi habar agentligi WAFA-nyň habaryna görä, bikanun ysraýylly ýaşaýjylar basylyp alnan Günbatar Şeriýanyň günorta Beýtullaham etrabynyň al-Minýa obasynda palestinalylaryň ekerançylyk ýerlerinde onlarça zeýtun agajyny kesdiler.
WAFA-nyň beren maglumatyna görä, hüjüm bikanun ýaşaýjylaryň agaçlaryň eýelerine hüjüm edip, onuň elini döwmeginden we soňra bolsa Ysraýyl goşuny tarapyndan tussag edilmeginden bir gün soň boldy.
Kolonializm we diwarlara garşy göreş boýunça komissiýanyň maglumatlaryna görä, 2023-nji ýylyň oktýabr aýyndan bäri Ysraýyl Gaza söweşini başladanyndan bäri bikanun ysraýylly ýaşaýjylar Günbatar Şeriýada palestinalylara we olaryň emläklerine garşy 7000-den gowrak hüjüm amala aşyrypdyrlar.
