Ysraýyl sişenbe güni irden Günbatar Şerianyň demirgazyk böleginde geçirilen operasiýada üç palestinalynyň öldürilendigini aýtdy.
Ysraýyl polisiýasy üç adamyň söweşijileriň agdyklyk edýän sebitidigni öňe süren Jenin şäheriniň golaýyndaky bir gowakdan çykan mahallary öldürilendiklerini habar berdi.
Beýanatda palestinaly erkekleriň hüjüm guramagy meýilleşdirendikleri öňe sürüldi, ýöne başga jikme-jiklikler berilmedi. Şeýle hem, Ysraýyl güýçleriniň gysga wagtdan soň gowagy ýok etmek üçin howa hüjümini başladandygy aýdylýar.
Ýurduň goşuny sebitde howa hüjümleriniň amala aşyrylandygyny tassykladylar, ýöne başga maglumat bermediler.
Ysraýylyň Gaza garşy hüjümlerini başladanyndan bäri, basylyp alnan Günbatar Şeriada 1057-den gowrak palestinaly öldürildi, 10300-si ýaralandy we 20 müňden gowrak adam tussag edildi, şol sanda 1600-si çaga.
