ABŞ-nyň töwellaçylyk etmeginde çaknyşyklaryň bes edilmegi maksady bilen parahatçylyk gepleşikleriniň geçirilýän günlerinde Russiýanyň Ukrainanyň energetika pudagyna guran hüjümleri aşa sowuk howalarda ýurduň çar tarapyndan elektrik togynyň kesilmegine sebäp boldy.
Mesele hakynda şenbe güni berlen beýannamada, rus güýçleriniň Ukrainanyň energetika infrastrukturasyna guran hüjüminiň ýurduň çar tarapyndan elektrik togynyň kesilmegine sebäp bolandygy nygtaldy.
Russiýa, 4 ýyla golaý wagt bäri dowam edýän söweşiň bes edilmegi üçin iki ýurduň arasynda ABŞ-nyň töwellaçylyk etmeginde geçirlen gepleşiklere garamazdan soňky günlerde Ukrainany basyp almak üçin hüjümlerini dowam etdirdi.
Ukrainaly ýolbaşçylar, Moskwany energetika infrastrukturany bilkastlaýyn nyşana almakda günäkärledi.
Russiýanyň soňky hüjümleri ýüz müňlerçe adamyň elektrik togynyň kesilmegine sebäp bolandygy we ýyladyş ulgamyna uly zeper ýetirendigi nygtaldy.
Ukrainanyň Premýer-ministri, Russiýanyň Ukrainanyň günbataryndaky Burstynsa we Dobrotwirsa desgalaryna hüjüm edendigi sebäpli Polşadan gyssagly kömek sorandyklaryny aýtdy.
Ukrenergo firmasy tarapyndan şenbe güni berlen beýannamada, “Russiýa Ukrainanyň energetika pudagyny nyşana almaga dowam edýär” diýdi.
Telegramdan berlen beýannamada “Duşmanyň guran hüjümi sebäpli sebitde elektrik togy kesildi. Hüjümler henizem dowam edýär”diýildi.
Ukraina bilen Russiýa ýanwar aýyndan bäri Abu-Dabide ABŞ-nyň töwellaçylyk etmeginde gepleşikler geçirdi.
Taraplar gepleşiklerde ýesir çalşygy boýunça ylalaşyk gazandy, emma ýer meselesinde bolsa hiç hili öňe gidişlik edilmedi.
Moskwa anna güni Russiýanyň paýtagtynda razwetka gullugynyň ýolbaşçysy generalyň janyna kast edilmeginden Ukrainanyň jogapkärdigini öňe sürdi.
Ukraina bolsa mesele hakynda hiç hili garaýyş beýan etmedi.
