Birleşen Milletler Guramasynyň Migrasiýa agentligi Yemeniň kenarynda bir gäminiň heläkçilige uçramagy netijesinde 68 afrikaly migrantyň ýogalandygyny we 74 adamyň dereksiz ýitendigini habar berdi.
Halkara Migrasiýa guramasynyň (IOM) Ýemen boýunça ýörite wekili Abdusattor Esoew, Associated Presse beren beýanatynda 154 efiopiýaly migranty daşaýan gäminiň ýekşenbe güni irden Ýemeniň günortasyndaky Abýan welaýatynyň suw giňişliginde batandygyny habar berdi.
Esoýew migrantlaryň 54-siniň jesediniň Hanfar sebitinde kenara çykandygyny, 14-siniň öli tapylandygyny we Yemeniň günorta kenaryndaky Abýan welaýatynyň paýtagty Zinjibar hassahanasynyň morgyna äkidilendigini aýtdy.
Esoýew gämi heläkçiliginde diňe 12 migrantyň diri galandygyny, beýlekileriň dereksiz ýitendigini we ölendigini mälim etdi.
Halkara Migrasiýa Guramasynyň habaryna görä, diňe 2024-nji ýylda Yemene 60000-den gowrak migrant geldi.
