Ugandanyň Polisiýa gullugynyň beren habaryna görä, Ugandanyň günbataryndaky awtoulag ýolunda köp sanda ulagyň heläkçilige uçramagy netijesinde azyndan 63 adam ýogaldy.

Bu waka Kampala-Gulu awtoulag ýolunda ýary gijeden soň boldy. Polisiýa gullugy X platformasyndan beren maglumatyna görä ulag heläkçiliginde iki awtobusyň "çakyşandygyny" aýtdy.

Beýanatda sürüjileriň biriniň çaknyşmazlyk üçin ulagy öwürendigi aýdylýar, ýöne bu hereketiň “zynjyr reaksiýasyna sebäp bolandygy” we onuň hem başgada azyndan dört ulagyň “gözegçiliginiň ýitirilmegine we birnäçe gezek agdarylmaklaryna" sebäp bolandygy habar berildi.

Polisiýa gullugy: “Netijede heläkçilige uçran ulaglardaky ähli ýolagçylar bilen birlikde jemi 63 adam ýogaldy we ençeme adam ýaralandy” diýip mälim etdi.

Maglumata görä, ýaralanan adamlar Kirýandongo hassahanasyna we golaýdaky beýleki saglygy goraýyş merkezlerine alynyp gidildi, emma ýaralanan adamlaryň sany ýa-da ýaralanmalaryň derejesi barada goşmaça maglumat berilmedi.