ABŞ-da hökümetiň ýapylmagyndan bäri bökdelen günlük uçar saparlarynyň sany ilkinji gezek 10 müňden geçdi.
ABŞ-da iş alyp barýan howaýollary firmalary 2 müň 700-den gowrak uçuşyny bes etdi, 10 müňden gowrak uçuş hem gijä galdy.
Bu ýagdaý ABŞ-da hökümetiň ýapylmagyndan bäri bir günde başdan geçirlen iň uly bökdençlik hökmünde bellige alyndy.
Uly awiakompaniýalar hökümet tarapyndan uçuşlaryň çäklendirilmeginiň üçünji gününde kynçylyklaryň ortadan aýrylmagy üçin göreşýär.
Uçuşlaryň çäklendirilmegi esasan Delta Air Lines firmasyna uly zeper ýetirdi. Firmanyň ýekşenbe güni uçuşlarynyň 52 göterimi bes edildi ýada yza süýşürildi.
Köpçülikleýin habar beriş serişdeleri kanun çykaryş organynyň hökümetiň öz işine başlamagy üçin ylalaşyk gazanandygyny öňe sürdi.
ABŞ-da hökümetiň işi 40 gün öň bes edilipdi.
ABŞ-nyň Prezidenti Donald Tramp hökümetiň öz işine başlamagy üçin ýakynda ylalaşyk gazanyljakdygyny mälim edipdi.
Amerikan senady ýekşenbe güni agşamara gysga möhletli maliýe goldawyny tasyklamak üçin jemlenişdi.
Taslama kabul edilen halatynda Wekiller palatasyna hödürlener.
Prezident tramp tarapyndan tassyklanmagyndan soň hökümet öz işine başlar.
