Eýranyň Atom energetika gullugy, ABŞ bilen Ysraýylyň Buşehr atom bekedine hüjüm edendigini, hüjümiň bekede zeper ýetirmändigini mälim etdi.

IRNA habarlar gullugynyň Eýranyň Atom energetika gullugyna esaslanýan habaryna görä, ýerli wagt bilen 21:08-de, halkara wagt boýunça 17:38-de ýurduň günortasynda ýerleşýän Buşehr şäherindäki desganyň golaýyna hüjüm guraldy.

Mesele hakynda berlen beýannamada “Amerika we sionist duşman Buşehr atom bekedine hüjüm gurady” diýildi.

Beýannamada ilkinji kesgitlemelere görä hüjümde adam pidasynyň çekilmändigi we desga zeper ýetirilmändigi bellenildi.

IRNA hüjümi ABŞ bilen Ysraýylyň dowam edýän duşmançylykly aksiýalarynyň bir bölegi hökmünde häsiýetlendirdi.

Gelip gowşan ilkinji maglumatlara görä, hüjümde adam pidasy çekilmedi we desga zeper ýetirilmedi.

Bu waka soňky günlerde atom bekediniň golaýyna guralan ikinji hüjüm boldy.

Şuňa meňzeş hüjüm 17-nji martda guralypdy. Hüjümde desga zeper ýetirilmändi.