Saud Arabystany, Ýemendäki ykdysady krizisin ortadan aýrylmagy maksady bilen Reşad Al Aliminiň ýolbaşçylygyndaky Ýemeniň hökümetine 368 million dollarlyk maliýe kömeginiň beriljekdigini mälim etdi.

Saud Arabystanynyň Daşary işler ministrligi, şenbe güni Ýemeniň Galkynyş we üýtgedip gurmak meýilnamasynyň çäginde 368 million dollarlyk täze maliýe kömeginiň beriljekdigini mälim etdi.

Ýemendäki ykdysady şertleriň gün saýyn agyrlaşýandygyna ünsi çeken Saud Arabystanynyň Daşary işler ministrligi, Şa Salman bin Abdulaziziň tabşyrygy boýunça şeýle kararyň kabul edilendigini nygtady.

Reşad Al Aliminiň çagyryşyna laýyklykda Saud Arabystanynyň Ýemeniň halkara derejesinde ykrar edilen hökümetine goldaw berýändigi bellenildi.

Maliýe kömegi saglygy goraýyş, döwlet bujeti we ýangyç üpjünçiligi ýaly möhüm hyzmatlaryň dowam etdirilmegi üçin ulanylar.

Ýemen onlarça ýyldan bäri dowam edýän çaknyşyklar sebäpli agyr günleri başdan geçirýär.

Husiler 2014-nji ýylyň sentýabr aýyndan bäri paýtagt Sana bilen birlikde ýurduň käbir sebitlerine gözegçilik edýär.

BMG, 30 million ilaty bolan Ýemende 22 milliondan gowrak adamyň ynsanperwer kömegine mätäçdigini mälim etdi.

Arassa agyz suwy, azyk we derman ýetmezçiligi sebäpli asuda ilat agyr günleri başdan geçirýär.