Beýan edilmegine görä Ysraýylyň goşuny Gazanyň Deýr al-Balah etrabynyň günortasyna guran artilleriýa hüjüminde iki palestinli dogany öldürdi.
“Anadoly” habarlar gullugyna beýanat beren raýatlar doganlaryň al-Kastal Towersiň golaýynda Ysraýylyň artilleriýa hüjüminde ölendigini aýtdy.
Ýerli çeşmeler doganlaryň “sary zolak” atlandyrylýan we Ysraýylyn gündogarda harby güýçlerini ornaşdyran sebitleri günbatarda ylalaşygyň çäginde “howpsuz zolaklar” atlandyrylýan sebitlerinden aýyrýan emeli serhedi geçendigini beýan etdi. Beýan edilmegine görä şol zolagyň belgileri açyk görünmeýändigi üçin asuda ilata gönüden hüjüm guralýar.
Ylalaşyga görä Ysraýylyň goşuny “sary zolagyň” gündogaryndaky täze pozisiýalara tarap çekildiler. Emma Ysraýylyň goşunynyň henizem Gazanyň territoriýasynyň 53 göterimine gözegçilik edýändigi we ylalaşygyň gelejekki tapgyrlarynda yza çekilmäge dowam etjekdigi aýdylýar.
Bilkastlaýyn nyşana almak
Anna güni ir-ertir Ysraýylyň döwlet teleýaýlymy Ysraýylyň aşa sagçy Milli howpsuzlyk ministri Ytamar Ben-Gwiriň ministrler kabinetiniň mejlisinde “sary zolaga” baran palestinlileriň, çagalar bilen bilelikde nyşana alynmalydygyny beýan edendigini habar berdi.
Gazanyň Raýat goranyş gullugynyň ozalky beýanatlarynda Ysraýylyň goşunynyň sary zolagy tötänleý geçen ýa-da onuň golaýyna baran palestinlileri öldürmek üçin bilkastlaýyn nyşana alýandygyny mälim edilipdi. Mundan ozal “sary zolagy” geçendigi sebäpli birnäçe palestinli öldürilipdi.
Gazanyň Metbugat gullugy 19-njy okýabrda beren beýannamasynda ylalaşyk güýje girenden soň Ysraýylyň goşunynyň 80 gezek düzgün bozup, 97 palestinlini öldürendigini, şolaryň 44 sanysynyň geçen ýekşenbe güni goşun tarapyndan atylandygyny habar beripdi.
Trampyň 20 maddadan ybarat Gaza ylalaşyk meýilnamasy 10-nji oktýabrda kabul edildi. Birinji tapgyr ysraýylly ýesirleriň palestinli tussaglar bilen çalşylmagyny, Gazanyň gaýtadan dikeldilmegini we täze dolanşyk mehanizminiň gurulmagny öz içine alýar.
