Pakistanyň harby goşunynyň beren beýannamasyna görä, Pakistanyň howpsuzlyk güýçleri soňky birnäçe günüň dowamynda ýurduň demirgazyk günbatarynda ýerleşýän Haýber-Pahtunhwa sebitinde geçiren harby operasiýalarynda azyndan 30 partizany öldürdi.

Pakistanyň harby goşunynyň Halkara gatnaşyklar bölüminiň penşenbe güni beren beýannamasynda, çarşenbe güni geçirlen operasiýalarda Kurramda 23, Mohmantda 4, Lakkide 2, Marwatda 2 we Tank etrabynda hem 1 partizanyň öldürlendigi nygtaldy.

Beýleki tarapdan Pakistanyň Içeri işler ministri Mohsin Nagwi penşenbe güni Dera Ismail Han etrabynda polis ulagynyň gylaýynda ýarylan bomba sebäpli azyndan 2 polisiň ýogalandygyny, 4 adamyň ýaralanandygyny mälim etdi.

Pakistanyň howpsuzlyk güýçleri paýtagt Yslamat we Haýber-Pahtunhwa sebitlerinde guralan soňky hüjümler sebäpli berk howpsuzlyk çärelerini görýär.

Operasiýalar

 Harby goşun duşenbe güni Bažur, Demirgazyk Weziristan we Dera Ismail Han etrabynda azyndan 4 partizany täsirsiz ýagdaýa getirdi.

Bažur we Bannu etraplarynda bolan iki çaknyşykda hem harby goşunyň azyndan 23 partizany öldürendigi habar berlipdi.

Ýekşenbe güni Dera İsmail Han we Demirgazyk Weziristan etraplarynda geçirlen operasiýalarda hem azyndan 15 partizan öldürlipdi.

Geçen hepde Yslamabadyň Adalat kompleksiniň öňünde hüjümçiniň bedenindäki bombany ýarmagy sebäpli 12 adam ýogalypdy, 30 adam hem ýaralanypdy.