Sloweniýanyň saýlaw komissiýasy ýekşenbe güni resmi däl bölekleýin netijeleri çap etdi, bu bolsa sloweniýalylaryň 53,43 göteriminiň käbir ölüm howply keselleri bolan uly adamalaryň öz janyna kast etmegine kömek bermegi kanunlaşdyrmak baradaky kanun taslamasyna garşy ses berendigini görkezýär.

Ýewropa Bileleşiginiň kiçi agza döwletlariniň biri bolan Sloweniýanyň parlamenti kanuny iýul aýynda kabul edipdi, ýöne sagçy syýasatçy Ales Primçiň ýolbaşçylygyndaky raýat başlangyjy referendum geçirmäge mejbur etdi; referendumyň netijeleri kanuny güýje eýe bolar.

Primç ses berişlikden soň: "Biz gudratyň şaýady bolýarys. Ýaşaýyş kulty ölüm kultuny ýeňdi" diýip, nygtady.

Referendumyň öňüsyrasynda, çydap bolmajak agyrydan ejir çekýän we sagalmaga umyt bolmadyk uly adamlaryň öz janyna kast etmegine kömek etmäge rugsat berýän kanunyň tarapdarlary, eger kanun kabul edilse, hassalaryň gereksiz ejir çekmelerinden dynjakdygyny aýdypdylar.