Saglygy goraýyş işgärleriniň berýän maglumatyna görä, Ýemenden atylan dron sebäpli Ysraýylyň günortasynda ýerleşýän Eilat şäherinde azyndan 50 adam ýaralandy.
Ysraýylyň milli tiz kömek gullugy, ýaralananlaryň arasynda 3 adamyň ýagdaýynyň agyrdygyny mälim etdi.
Ysraýylda çap edilýän “Ýediot Ahronot” gazeti, uçarmansyz howa ulagynyň Gyzyldeňiziň kenarynda ýerleşýän Eilat şäheriniň syýahatçylyk merkezi Mall Haýam söwda merkeziniň golaýyna düşendigini habar berdi.
Ysraýylyň harby goşuny, uçarmansyz howa ulagynyň Ýemenden atylandygyny we Eilat şäherine düşendigini mälim etdi.
Husileriň metbugat sekretary Ýahýa Sarre, iki uçarmansyz howa ulagy bilen hüjüm gurandyklaryny we Eilat şäheriniň nyşana alynandygyny aýtdy.
Ady agzalýan hüjüm Ysraýyl bilen Husileriň arasynda dartgynlygyň dowam edýän döwründe guraldy.
Soňky aýlarda Ysraýylyň Gazadaky genosidi sebäpli taraplar biri-birine hüjüm guraýar.
Geçen hepde Ysraýylyň harby uçarlary Ýemeniň Hudeýde şäherinde Husilere degişli ýerleri nyşana aldy.
Geçen aý Ysraýylyň Ýemeniň paýtagty Sana guran hüjüminde Premýer-ministr Ahmed Al Rahawi we 9 ministr bilen birlikde Husilerden 12 ýolbaşçy ýogalypdy.
Ysraýyl bilen Husileriň arasyndaky çaknyşyklar gün saýyn güýçlenýär.
Ýemeniň esasy bölegine gözegçilik edýän Husiler, palestinlilere goldaw bermek maksady bilen Ysraýyla garşy guraýan hüjümlerini artdyrdy.
