ABŞ-nyň Içerki howpsuzlyk ministri Kristi Noem Prezident Donald Trampyň ýanwar aýynda iş başyna gelmeginden bäri ýurtda 480 müňden gowrak resminamasyz immgrantyň tussag edilendigini aýtdy.
Ýekşenbe güni Floridada geçirilen metbugat ýygnagynda çykyş eden Noem “Ýanwar aýyndan bari İçerki howpsuzlyk ministrligi 480 müňden gowrak jenaýatçy ýa-da bikanun immigranty tussag etdi. Şolaryň 70 göterimi günäkärlenýänler ýa-da etmişi sebäpli jezalandyrylanlardan ybarat” diýdi.
Kristi Noem; “Ýurtda halklaryň howpsuzlygyny berkidýäris, şeýlelikde maşgalalar erkin we eşretli ýaşarlar hem-de azatlygy ýola goýmak üçin gurlan ýurtdan lezzet alarlar” diýdi.
Ministrlik sentýabr aýynda 20-nji ýanwardan bäri 2 million bikanun immigrantyň ABŞ-dan gidendigini habar beripdi. Berilen beýannama görä şolaryň 1,6 milliony meýletin ýagdaýda ýurtdan gidenlerden, 400 mün sanysy bolsa ýurtdan çykarylanlardan ybarat.
“Rekord dereje”
Beýleki tarapdan Donald Tramp duşenbe güni beren beýannamasynda iş möhletinde alynyp barulýan “rekord derejedäki” işlere kanagatlanma bildirip, Merkezi razwedka gullugynyň zorlukly jenaýatlar, bikanun neşe söwdasyna garşy operasiýalar we çagalary goramak ugrundaky işleri bilen bagly täze görkezijilerini mysal getirdi.
“Trut sosial” hasabyndan habarnama beren Tramo; “Hökümetiň ýolbaşçylyk etmeginde FBY uly üstünlik gazanýar. 20-nji ýanwardan bäri 28 müňden gowrak zorlukly jenaýatçy tussag edildi, 6 müňden gowrak bikanun ýarag ele salyndy, 1,700-den gowrak pedofili jenaýatçysy we 300 adam söwdasyny edýän köçelerden saplandy” diýdi.
Tramp şeýle hem 5 müň çaganyň halas edilendigini we gullukçylaryň 1,900 kilogram fentanili ele salandygyny beýan edip, onuň “125 million adamy öldürmäge ýetjek mukdardygyny” aýtdy.
