Gündogar Gara deňiz Eksportçylar bileleşiginiň Dolanşyk geňeşiniň başlygy Selçuk Iskender beren ýazmaça beýannamasynda, üstümizdäki ýylyň ilkinji 5 aýlyk döwründe Trabzondan 625 million 282 müň, Rizeden 101 million 145 müň, Gümüşhaneden 65 million 290 müň, Artwinden 39 million 451 million dollarlyk önümiň eksport edilendigini nygtady.

Iskender eksportyň geçen ýylyň degişli döwrüne görä, Trabzonda 12, Rizede 31, Gümüşhanede 76 we Artwinde 26 göterim artandygyny belledi.

Gara deňizde öndürlen önümleriň 115 ýurda eksport edilendigini aýdan Selçuk Iskender, eksport sanawynda Italiýanyň, Germaniýanyň, Russiýanyň, Gruziýanyň we Fransiýanyň esasy orun eýeleýändigini nygtady.

Iskender Gündogar Gara deňiz sebitinden 5 aýda 437 million 615 müň dollarlyk fundugyň, 135 million dollarlyk magdan önümleriniň, 88 million 278 million dollarlyk maldarçylyk önümleriniň we 67 million 758 müň dollarlyk ter gök we bakça önümleriniň eksport edilendigini ýatlatdy.