Ysraýylyň habar beriş serişdeleri Ysraýylyň goşunynyň ABŞ-nyň Prezidenti Donald Trampyň gabaw astyndaky Palestindäki urşy bes etmek hakyndaky meýilnamasynda görkezilýän sebitlere tarap bölekleýin ýagdaýda çekilmäge başlandygyny mälim etdi.
Ysraýylyň “Kanal 12” teleýaýlymy anna güni beren habarynda “Gelejek 24 sagadyň dowamynda Ysraýylyň goşuny Trampyň meýilnamasynyň çäginde Ysraýyl bilen Hamasyň arasynda gazanylan ylalaşyga laýyklykda Gazanyň käbir sebitlerinden Sary zolaga tarap çekilmegi tamamlar” diýilýär.
Habarda şeýle hem “Ysraýylyň goşunynyň Rafahdan we Han Ýunusdan hem-de Gazanyň demirgazygyndan gündogara tarap çekilmegi we Ysraýylyň döwlet serhedine golaýlaşmagyna garaşylýar” diýilýär.
Tramp Penşenbe güni ir säher Ysraýyl bilen Hamasyň atyşygy bes etmek we ýesir çalşygy hakyndaky meýilnamanyň birinji tapgyry boýunça ylalaşandygyny beýan edipdi.
Ylalaşyk Türkiýäniň, Müsüriň we Kataryň wekiliýetleriniň gatnaşmagynda ABŞ-nyň gözegçilik etmeginde taraplaryň arsynda Müsüriň Şarm al-Şeýh şäherinde 4 gün dowam eden gepleşiklerden soň gazanyldy.
