Türkiye, Ysraýylyň Gaza ynsanperwer kömek ýetirmäge synanyşýan Global Sumud flotiliýasyna garşy hereketini ýazgardy we muny asuda ilata howp salýan "terrorçylykly hereket" hökmünde häsiýetlendirdi.

Daşary işler ministrligi: "Zorluk ulanmazdan parahatçylykly maksatlar bilen hereket edýän asuda ilaty nyşana alýan bu hüjüm, Netanýahunyň genosid jenaýatçy hökümeti tarapyndan amala aşyrylan faşistik we militaristik syýasatlaryň diňe bir palestinalylar bilen çäklenmän, Ysraýyl tarapyndan amala aşyrylýan zuluma garşy göreşýänleriň hemmesini nyşana alýandygynyň subutnamasydyr" diýdi.

Şeýle hem beýannamada: "Ysraýylyň harby güýçleri tarapyndan tussag edilen raýatlarymyzy we beýleki ýolagçylary derrew boşatmak üçin ähli zerur başlangyçlar edilýär" diýildi.

Global Sumud Flotiliýasynyň delegasiýasynyň jogaby

Global Sumud Flotiliýasynyň Türkiye delegasiýasy Ysraýylyň "halkara suw giňişliginde ýaragsyz gumanitar kömek işgärlerine guran bikanun hüjümini" ýazgardy.

Delegasiýa öz beýanatynda ysraýylly esgerleriň ýerli wagt bilen sagat 20:30 töweregi Alma, Sirius we Adara gämilerine bikanun çykandygyny, gämileriň aragatnaşyk baglanşyklaryny bilkastalýyn kesip, kömek çagyryşlaryna böwet bolandygy habar berildi.