Tähranda ABŞ bilen Ysraýylyň guran bilelikdäki howa hüjümlerinde öldürlen howpsuzlyk geňeşiniň ýolbaşçysy Ali Larijani we Basij güýçleriniň serkerdesi Gulamryza Süleýmani bilen birlikde Erýanyň Deňiz güýçleriniň 84 işgäri soňky ýoluna ugradyldy.
“Pres TW”-niň berýän habaryna görä, Ali Larijani, Gulamryza Süleýmani we Deňiz güýçleriniň 84 işgäri üçiň geçirlen çärä müňlerçe adam gatnaşdy.
Eýranly resmiler, Larijaniniň sişenbe güni ir ertir guralan hüjümde ýogalandygyny, hüjümde ogly Mürteza, orunbasary Aliryza Baýat we howpsuzlyk geňeşiniň birnäçe işgäri bilen birlikde janpenalarynyň hem ýogalandygyny habar berdi.
Eýranyň Ynkylap goragçylary goşuny şol gün ABŞ bilen Ysraýylyň guran bilelikdäki hüjüminde Süleýmaniniň hem ýogalandygyny mälim etdi.
Eýranyň harby goşunynyň serkerdesi Amir Hatami çarşenbe güni Tähranyň Larijaniniň öldürilmegine berk gaýtawul görkezjekdigini mälim etdi.
Eýranyň Ynkylap goragçylary goşuny çarşenbe güni “Şehir Dr Ali Larijaniniň we ýoldaşlarynyň aryny alyş” ady bilen Ysraýyla garşy raketa hüjümlerini başladandyklaryny habar berdi.
Larijani bilen Süleýmani ABŞ bilen Ysraýylyň geçen aýdan bäri guraýan hüjümlerinde öldürlen ýokary derejeli ýolbaşçylarynyň arasynda ýer alýar.
ABŞ bilen Ysraýyl 28-nji fewraldan bäri Eýrana garşy guraýan bilelikdäki hüjümlerini dowam etdirýär. Hüjümlerde häzire çenli ýurduň ozalky dini lideri Ali Hamenei bilen birlikde 1300-den gowrak adam ýogaldy.
Eýran hem Ysraýyla, Iordaniýa, Yraga we ABŞ-nyň harby merkezlerine ýer eýeçiligini edýän Aýlag ýurtlaryna dron we raketa hüjümlerini guraýar.
