DÜNÝÄ
1 minut okamak
Zelenskiý: "Ýaranlar Ukrainanyň howpsuzlygy üçin iň anyk kepilliginiň NATO agzalygydygyny bilýär"
Ukrainanyň Prezidenti Wladimir Zelenskiý öz ýurdunyň howpsuzlyk kepilliginiň iň anyk görnüşiniň NATO agzalygy boljakdygyny we ýaran ýurtlaryň muňa göz ýetirýändigini aýtdy.
Zelenskiý: "Ýaranlar Ukrainanyň howpsuzlygy üçin iň anyk kepilliginiň NATO agzalygydygyny bilýär"
Zelenskiý: "Ýaranlar Ukrainanyň howpsuzlygy üçin iň anyk kepilliginiň NATO agzalygydygyny bilýär"
 

Ukrainanyň Prezidenti Wladimir Zelenskiý sosial mediadan beren beýanatynda žurnalistleriň Russiýa-Ukraina urşy baradaky soraglaryna jogap berendigini aýtdy.

Zelenskiý 19-njy noýabrda Germaniýanyň paýtagty Berlin şäherinde geçirilen "Meýletinçiler Koalisiýasynyň" maslahatynda Ukrainanyň NATO bilen integrasiýa tapgyrynyň hem ara alnyp maslahatlaşylandygyny belläp: "Ýaranlar Ukrainanyň howpsuzlygy üçin iň anyk kepilliginiň NATO agzalygydygyna göz ýetirýärler" diýip nygtady.

Zelenskiý Ukrainanyň agza bolmagy bilen NATO-nyň has-da güýçlenjekdigini öňe sürdi.

Zaporožýe we Herson sebitlerinde raýatlar üçin ewakuasiýa sanawlary düzüldi

Zelenskiý oktýabr aýynda ABŞ-nyň prezidenti Donald Trampyň aýaly Melaniýa Trampyň goldawy bilen Russiýa tarapyndan bikanun ýagdaýda anneksiýa edilen Ukrainanyň Herson sebitiniň Oleşki şäherinde ynsanperwer operasiýanyň geçirilendigini ýatlatdy we ABŞ tarapyna minnetdarlyk bildirdi.

Zelenskiý dürli ilatly ýerlerdäki asuda ilaty ewakuasiýa etmek üçin ukrain goşunynyň wekilleri bilen täze sanawlary döredendiklerini aýdyp: “Ewakuasiýa edip biljek adamlaryň sanyny we tejribämizi jikme-jik ara alyp maslahatlaşdyk” diýip habar berdi.

ABŞ-nyň, Hytaýyň we Russiýanyň liderleriniň Hytaýda duşuşan sammitine salgylanyp, Zelenskiý: "Meniň pikirimçe, bu üçtaraplaýyn sammit Russiýa üçin uly şowsuzlyk boldy" diýdi.