Türkiyäniň Prezidenti Rejep Taýýip Erdogan Türkiyäniň Harby-howa güýçlerine degişli F-16 harby uçarynyň Balykesirde heläkçilige uçrandygyny we uçarmanyň şehit bolandygyny, şeýle hem heläkçiligiň sebäplerini anyklamak üçin zerur barlag we derňew işleriniň başladylandygyny habar berdi.
Çarşenbe güni Ankarada geçirilen çärede çykyş eden Erdogan ýitginiň özünde uly gynanç döredendigini, Harby-howa güýçleriniň uçarmany maýor Ibrahim Bolat üçin doga-dilegler etdi we uçarmanyň maşgalasyna, Türkiyäniň Harby-howa güýçlerine we türk halkyna gynanç bildirdi.
Erdogan resmileriň heläkçiligiň sebäplerini anyklamak üçin giňişleýin derňew işlerini başladandygyny we degişli edaralar tarapyndan ähli zerur işleriň alnyp barylýandygyny mälim etdi.
Milli Goranmak ministrligi ozal bolsa radio aragatnaşygy we yzarlaýyş maglumatlarynyň ýitmeginden soň harby uçaryň heläkçilige uçrandygyny aýan edipdi.
Ministrligiň beýanatyna görä, uçar Balykesirdäki 9-njy Esasy howa bazasynyň serkerdeliginden ýerli wagt bilen sişenbe güni sagat 00:56-da uçupdy.
