ABŞ-nyň prezidenti Donald Tramp Eýrana garşy harby operasiýadan soň "nobatda” Kubanyň boljakdygyny aýtdy we Karib deňziniň kenaryndaky bu ýurduň tiz wagtda şowsuzlyga uçrajakdygyny aýtdy.
Tramp ýekşenbe güni Waşingtona barýarka prezidente degişli uçarda žurnalistlere beren beýanatynda: “Nobatdaky ýurt Kuba bolar" diýip, belledi.
Kubany "bulaşyk" hökmünde häsýetlendiren Tramp: "Olar şowsuz ýurt we nobatdaky olar bolar. Olar gysga wagtda şowsuzlyga uçrarlar we biz olara kömek etmek üçin ol ýerde bolarys. Biz kubaly amerikanlara kömek etmek üçin ol ýerde bolarys" diýdi.
Rus nebiti bilen baglanyşykly "hiç hili mesele" ýok
“New York Times” gazediniň Russiýanyň nebit tankeriniň Kuba ýetmegine rugsat berlip-berilmejekdigi bilen bagly soraga, Tramp onuň bilen baglanyşykly “hiç hili mesele ýok” diýip jogap berdi.
Tramp: "Biz kimdir biriniň nebit bilen dodurlan gämini almagyna garşy däl, sebäbi olaryň diri galmaklary hem zerur. Eger bir ýurt häzir Kuba nebit ibermek isleýän bolsa, ol Russiýa bolsun ýa-da başga bir ýurt bolsun, men tarapdan hiç hili mesele ýok diýdim" diýip belledi.
