Ukrainanyň Wise-premýeri Oleksiý Kuleba, Russiýanyň uçarmansyz howa ulagy bilen Ukrainanyň Gara deňiz kenarynda ýerleşýän Odessadaky portlardan birine guran hüjüminde 1 adamyň ýogalandygyny, 6 adamyň ýaralanandygyny mälim etdi.

Kuleba anna güni Telegramdan beren habarnamasynda “Russiýa portlara we demir ýol liniýalaryna hüjüm guraýar” diýdi.

Kuleba hüjüm sebäpli dökün ammary we ýük wagonlary bilen birlikde birnäçe ulaga zeper ýetirlendigini, wakanyň ýangyna sebäp bolandygyny ýatlatdy.

Ukrainanyň Wise-premýeri hüjüme sezewar bolan portyň ady hakynda hiç hili maglumat bermedi.

Odessa şäherine we Gara deňiz kenarynda ýerleşýän üç porta ýygy-ýygydan hüjüm guralýar.

Odessanyň häkimi Oleg Kiper sebitde ýaşaýyş jaýlarynyň we energetika desgalarynyň nyşana alynýandygyny mälim etdi.

Kiper hüjüm sebäpli elektrik togynyň we agyz suwynyň kesilendigini, ýyladyş ulgamynda käbir bökdençlikleriň ýüze çykandygyny belledi.