Daşary işler ministri Rahman Bangladeşiň paýtagty Dakkada Daşary işler ministri Hakan Fidan bilen bolan duşuşygyndan soň metbugata beýannama berdi.
Daşary işler ministri hökmünde ilkinji saparyny Türkiýä gurandygyny ýatladan Rahman, şu gün hem kärdeşi Fidan bilen duşuşýandygyny nygtady.
Geçiren duşuşyklarynyň Bangladeş bilen Türkiýäniň arasyndaky dostlukly gatnaşyklary açyk-aýdyň görkezýändigini ýatladan Rahman, kärdeşi Hakan Fidanyň saparyna uly ähmiýet berýändiklerini belledi.
Türkiýäni esasy hyzmatdaş hökmünde häsiýetlendiren Rahman, Türkiýäniň Bangladeşiň BMG-nyň Baş Assambleýasynyň başlyklygyna dalaşgärligine uly goldaw berendigini ýatlatdy.
Bangladeşiň Daşary işler ministri Rahman, bu meselede Türkiýäniň beren goldawyny asla ýatdan çykarmajakdyklaryna ünsi çekdi.
Rahman Hakan Fidan bilen bolan duşuşygynda, türk maýadarlarynyň Bangladeşde maýa goýmaklary üçin uly mümkinçiligiň bardygyny belledi.
