Türkiýe Respublikasynyň Prezidenti R. T. Erdogan, 26-njy sentýabr Türk dili baýramy mynasibetli gutlag ýüzlenmesini çap etdi.

Ýüzlenmesinde türk diliniň millet üçin diňe bir aragatnaşyk serişdesi bolmandygyny nygtan Erdogan, diliň şol bir wagtyň özünde taryhyň, medeniýetiň, siwilizasiýa mirasynyň we umumy ýadyň özenini emele getirýändigine ünsi çekdi.

Türk diliniň müňlerçe ýyllyk geçmişi bolan baý dildigini nygtan Erdogan ýüzlenmesinde: “Türk dilimiz halkymyz üçin diňe bir düşnişmek serişdesi bolman eýsem taryhymyzyň, medeniýetimiziň, siwilizasiýa mirasymyzyň we umumy ýadymyzyň daşaýyjysydyr. Ene dilimiz bolan türk dilimiz müňlerçe ýyllyk geçmişi bolan beýik siwilizasiýanyň mirasyny özünde jemleýär. Asyrlaryň dowamynda dürli sebitlerde, dürli milletler bilen aragatnaşyk saklamak arkaly baýlaşan dilimiz şygyrdan edebiýata, ylymdan sungada çenli durmuşymyzyň ähli ugurlarynda halkymyzyň duýgularyna we garaýyşlaryna terjimeçi hökmünde hyzmat etdi.

26-nji sentýabr Türk dili baýramy mynasibetli biziň esasy wezipämiz türk dilimizi geçmişden alan beýik mirasymyzyň amanady hökmünde goramak, baýlaşdyrmak we geljek nesillere ýetirmekdir” diýdi.

“Diline eýe çykýan millet, taryhyna we geljegine hem eýe çykar”

Prezident Erdogan: Türkiýe asyryny gurýan döwrümizde öz dilimize, medeniýetimize we medeni gymmatlyklarymzya eýe çykmak, halkara jemgyýetçiligine öz sözümiz bilen, öz adalgalarymyz bilen we öz siwilizasiýa garaýşymyz bilen goşant goşmak diýseň möhümdir.

Türk diliniň dogry ulanylmagyny ýaýbaňlandyrmak çagalarymyzyň we ýaşlarymyzyň dilimize bolan söýgüsini artdyrmak biziň esasy wezipämizdir.

Diline eýe çykan milletiň taryhyna we geljegine eýe çykjakdygyny ýatdan çykarmalyň.

Pursatdan peýdalanyp Türk dili baýramynyň türk diliniň has-da baýlaşmagyny we dünýäde esasy dillerden biri bolmagyny arzuw edýärin. Türk diliniň ösmegine uly goşan goşan ähli dilçi alymlarymyzy we tanymal şahsyýetlerimizi uly hormat bilen ýatlaýaryn. 26-njy sentýabr Türk dili baýramymyz gutly bolsun” diýdi.