Kubanyň Daşary işler ministri Bruno Rodriguez anna güni Kubanyň ABŞ-nyň basyşyna garamazdan özygtyýarlygyny goramaga dowam etjekdigini nygtady.

Rodriguez Waşingtony 60 ýyldan gowrak wagt bäri hüjüm ediji syýasatyny dowam etdirmekde günäkärledi.

Kubanyň Daşary işler ministri Bruno Rodriguez X sosial media platformasy arkaly beren habarnamasynda, Waşingtonyň 67 ýyldan gowrak wagt bäri Kuba garşy alyp barýan hüjüm ediji syýasatyny dowam etdirýändigini aýtdy.

ABŞ-nyň abaý syýasatlaryna boýun egmejekdiklerini aýdan Daşary işler ministri “Muňa garşy biziň arkamyzda akyl bar, halkara hukugy bar we halkyň ýurduna bolan wepalylygy bar” diýdi.

Daşary işler ministri Bruno Rodriguez “Biz kubalylar ýurdumyzy satmaga, howplara we şantažlara boýun egmeris” diýdi.

Kubanyň dünýäde parahatçylygyň ýola goýulmagy we eşretli gelejegi üçin bogun egmejekdigini aýdan Rodriguez “Kubany gorarys. Bizi tanaýanlar bu meselede egilşik etmejekdigimizi bilýär” diýip belledi.

Kubanyň Daşary işler ministri Bruno Rodriguez 5-nji ýanwarda Latyn Amerika we Kaip döwletleri bileleşigine ABŞ-nyň hüjümlerine garşy sebitiň howpsuzlygynyň we özygtyýarlygynyň goralmagy boýunça çagyryş edipdi.

Rodriguez ABŞ-nyň Wenesuela guran hüjümi sebäpli sebite uly howpuň abanýandygyna ünsi çekipdi.

ABŞ-nyň Prezidenti Donald Tramp 7-nji ýanwarda Karip döwletlerinden biri bolan Kubany nyşana alyp biljekdiklerini aýdypdy.