Daşary işler ministri Hakan Fidan Germaniýanyň Daşary işler ministri Wadephul bilen bolan duşuşygyndan soň beren beýannamasynda, “Türkiýe Gaza goldaw bermäge we Palestiniň umydy bolmaga dowam eder. Gazanyň gaýtadan dikeldiş etabyna uly goldaw bermäge dowam ederis” diýdi.
Hakan Fidan, “Gazada guruljak her bina adamzadyň umumy wiždanynyň eseri bolar. Iki döwetli çözgüdiň amala aşyrylmagyny we Ýakyn Gündogarda durnuklylygyň ýola goýulmagyny maksat edinýäris” diýip belledi.
Ylalaşygyň yzy ýanyndan Ankaranyň ynsanperwer kömek tagallalaryny artdyrandygyny nygtan Fidan, Gaza yzigderli ýagdaýda we uzak möhletli ynsanperwer kömeginiň ýetirilmeginiň möhümdigini nygtady.
Hakan Fidan Germaniýaly kärdeşi Wadephul bilen geçiren duşuşygynda Ankara bilen Berliniň Gazadaky ylalaşygyň dowam etmegi, halka yzygiderli ynsanperwer kömeginiň ýetirilmegi we söweşiň doly bes edilmegi üçin edýän tagallasy hakynda pikir alyşandyklaryny ýatlatdy.
Durnuklylyk güýji we parahatçylyk geňeşi
Daşary işler ministri hakan Fidan, sebitde yzygiderli parahatçylygyň ýola goýulmagy üçin iki döwetli çözgüdiň amala aşyrylmalydygyny nygtady.
Fidan, Ýewropa ýurtlarynyň we Germaniýanyň Palestin we Gaza meselesinde edýän tagallasyna ünsi çekdi.
Hakan Fidan Türkiýäniň Prezident R. T. Erdoganyň ýolbaşçylygynda parahatçylyk geňeşiniň we halkara durnuklylyk güýjiniň döredilmegine uly ähmiýet berýändigini belledi.
