Türkiýe ýekşenbe güni Kataryň paýtagty Dohada, Türkiýe bilen Kataryň töwellaçylyk etmeginde geçirlen gepleşiklerde Owganystan bilen Pakistanyň arasynda gazanylan ylalaşyga kanagatlanma bildirdi.

Türkiýe Respublikasynyň Daşary işler ministrliginden berlen beýannamada, Yslamabat bilen Kabulyň  iki ýurduň arasynda durnuklylygyň we parahatçylygyň ýola goýulmagy maksady bilen kabul eden kararyna kanagatlanma bildirilýändigi nygtaldy.

Beýannamada “Türkiýe iki doganlyk ýurduň arasynda we sebitde yzygiderli parahatçylygyň we durnuklylygyň ýola goýulmagy üçin edilýän tagallalara goldaw bermäge dowam eder” diýildi.

Beýannamada, gepleşiklere ýer eýeçiligini eden Kataryň ylalaşygyň gazanylmagynda uly rol oýnandyğy nygtaldy.

Pakistan bilen Owganystan ýekşenbe güni ir ertir çaknyşyklaryň gyssagly bes edilmegi boýunça ylalaşyk gazanandyklaryny mälim etdi.

Serhetdäki dartgynlyk Pakistanyň anna gijesi Owganystanyň Paktika weaýatynda guran we birnäçe adamyň ýogalmagyna sebäp bolan howa hüjüminden soň has-da dartgynlaşdy.

Hüjümiň guralan pursatlarynda iki ýurduň wekili Dohada gepleşik geçirýärdi.