BMG, Siriýada wagtlaýyn kanun çykaryjy mejlisiň açylmagyny ýurduň geçiş etabynda esasy meseleleriň seljerilmegi taýdan “aýgytly ädim” hökmünde häsiýetlendirdi.
BMG-nyň metbugat sekretary Stefan Dužarriç metbugata beren beýannamasynda, BMG-nyň düýn geçirlen saýlawy bellige alandygyny mälim etdi.
Dužarriç “Resmi netijeleriň yglan edilmegi we mejlisdäki galan kürsüleriň prezident tarapyndan doldurylmagy meselesi bilen ýakyndan gyzyklanmaga dowam ederis” diýdi.
Dužarriç, Siriýanyň wagtlaýyn hökümetiniň saýlawlar meselesinde özlerinden kömek soramandygyna ünsi çekdi.
BMG-nyň metbugat sekretary Stefan Dužarriç “BMG geçiş etabynda Halk Mejlisiniň öz işini aç-açan dowam etdirmeginiň möhümdigini nygtaýar” diýdi.
Ýekşenbe güni Siriýada halk deputatlarynyň ilkinji saýlawy geçirildi.
Başar Asadyň häkimiýetden çetleşdirilmeginden soň geçirlen ilkinji saýlawda bellige alynan 6 müň saýlawçy 210 kürsüli Halk Mejlisiň halk deputatlaryny saýlamak üçin ses berdi.
Halk deputatlarynyň üçden iki bölegi saýlaw bilen kesgitlendi. Galan bölegi bolsa Prezident Ahmet Şara tarapyndan doldurlar.
