Liwanyň Milli habarlar gullugy, Ysraýylyň çarşenbe güni ir ertir Liwanyň günortasyna guran howa hüjümlerinde azyndan 4 adamyň ýogalandygyny habar berdi.
Habarda howa hüjüminde Hiram hassahanasynyň golaýyndaky Žal al Bahr etrabyndaky bir binanyň nyşana alynandygy nygtaldy. Howa hüjüminde 4 adamyň ýogalandygy bellenildi.
Ysraýylyň Şakra etrabynda saglygy goraýyş işgärlerini nyşana alan hüjüminde birnäçe adam ýaralandy.
Ysraýylyň ABŞ-nyň Prezidenti Donald Trampyň, Eýrana guralýan bombaly hüjümleriň iki hepde möhlet bilen bes edilendigi hakyndaky beýannamasynyň yzy ýanyndan Liwana hüjüm guramagy ünsleri özüne çekdi.
Ysraýylyň Premýer-ministri Binýamin Netanýahu iki hepdelik ylalaşygyň Liwany öz içine almaýandygyny nygtady.
Liwan 2-nji martda Ysraýylyň we ABŞ-nyň Eýrana garşy söweş başlatmagyndan we Eýranyň ozalky dini lideri Ali Hameneiniň öldürilmeginden soň Ýakyn Gündogar söweşine goşuldy.
Bu waka Tährana bagly şaýy topar Hizbullahyň Ysraýyla raketa hüjümlerini guramagyna sebäp boldy.
Şol günden bäri Ysraýyl, Liwana guraýan hüjümlerini dowam etdirýär.
Ysraýylyň Liwana guraýan hüjümleri sebäpli 1500 adam ýogaldy, 1 milliondan gowrak adam ýaşaýan ýerlerini terk etdi.
Liwanly ýolbaşçylara görä, Ysraýylyň hüjümlerinde 4500-den gowrak adam hem ýaralandy.
