TErdogan Prezident Serdar Berdimuhamedowy Antalýada geçiriljek COP31 Bütindünýä Liderleriniň Howa Hereketi Sammitine gatnaşmaga çagyrdy. Serdar Berdimuhamedowa şeýle hem dürli ýurtlaryň döwlet Baştutanlaryndan gutlag hatlary gelip gowuşdy.
Prezident Erdoganyň gutlag hatynda Türkiýe bilen Türkmenistanyň arasyndaky taryhy we doganlyk gatnaşyklaryna aýratyn üns çekildi. Iki ýurduň arasyndaky gatnaşyklary ikitaraplaýyn derejede, şeýle hem Türk Döwletleri Guramasynyň we beýleki halkara platformalaryň çäginde ösdürmek boýunça alnyp barylýan işlere kanagatlanma bildirildi.
Erdogan, şeýle hem, Prezident Serdar Berdimuhamedowy 11–12-nji noýabrda Antalýada geçiriljek COP31 Bütindünýä Liderleriniň Howa Hereketi Sammitine gatnaşmaga çagyrdy.
Prezident Serdar Berdimuhamedowa Russiýadan, Özbegistandan, Hytaýdan, Belarusdan, Täjigistandan we Günorta Koreýadan hem gutlaglar gelip gowuşdy.
Russiýanyň Prezidenti Wladimir Putin we Özbegistanyň Prezidenti Şawkat Mirziýoýew bilen geçirilen telefon arkaly söhbetdeşliklerde ikitaraplaýyn gatnaşyklar we sebit hyzmatdaşlygy ara alnyp maslahatlaşyldy.
