Nigeriýa terror guramasy Boko Harama garşy egilşiksiz göreşini dowam etdirýär
Ýurtda terror guramasy Boko Harama garşy geçirlen operasiýada 10 terrorçy öldürildi.
Nigeriýanyň harby goşuny ýurduň demirgazyk gündogarynda geçiren operasiýasynda Boko Hramyň ýokary çinli serkerdesi bilen birlikde 10 terrorçynyň öldürlendigini mälim etdi.
Harby goşun tarapyndan berlen beýannamada, Borno welaýatynyň Sambisa tokaýynda ýekşenbe güni geçirlen operasiýada Boko Haramyň ikinji serkerdesi Abu Halidiň öldürlendigi nygtaldy.
Abu Halidiň guramanyň terrorçylykly aksiýalaryny gönükdirýändigi bellenildi.
Beýannamada ýurduň demirgazyk gündogaryndaky tokaýlyk meýdanda terrorçylara garşy başladylan operasiýanyň dowam edýändigi ýatladyldy.
2000-njy ýyllaryň başyndan bäri Nigeriýada iş alyp barýan Boko Haramyň 2009-njy ýyldan bäri guraýan hüjümlerinde on müňlerçe adam ýogaldy.
Adam-hukuklary guramasy Boko Haramyň hüjümlerinde ýogalanlaryň esasy böleginiň musulmanlardan ybaratdygyny mälim etdi.
Ýolbaşçylara görä, gurama 2015-nji ýyldan bäri goňşy ýurtlar Kamerunda, Çatda we Nigerde hem terrorçylykly hüjümler guraýar. Şol hüjümlerde azyndan 2 müň adam ýogaldy.
Sebitde terrorçylykly hüjümler sebäpli ýüzmüňlerçe adam hem öýüni terk etdi.