Türkiýäniň Daşary işler ministrligi Ysraýylyň Gaza hüjümlerini we atyşygy bes etmek baradaky düzgüni bozmagyny "berk" ýazgaryp, bu hereketleriň sebitde parahatçylygy we durnuklylygy dikeltmek üçin halkara tagallalaryna howp salýandygyny beyan etdi.
Şenbe güni Türkiýäniň “NSosyal” sosial media platformasynda çap edilen beýanatda ministrlik: "Biz Ysraýylyň Gaza guran şu günki hüjümlerini we atyşygy bes etmek baradaky düzgüni yzygiderli bozmagyny berk ýazgarýarys" diýilýär.
Beýannamada hüjümleriň Gazadaky parahatçylyk tapgyrynyň täze sepgide ýetýän günlerinde guralandygy nygtaldy we bu hüjümleriň sebitde parahatçylygy hem-dec durnuklylygy dikeltmek üçin halkara tagallalaryna howp salýandygy duýduryldy. Bu wakalaryň Ysraýylyň "sebitde parahatçylyk islemeýändigini" ýene bir gezek görkezýändigi aýdylýar.
Ministrlik "Ysraýylyň BMG-niň Howpsuzlyk Geňeşiniň kararlary bilen kabul edilen Parahatçylyk meýilnamasynyň ähli düzgünlerine, esasan hem atyşygy bes etmek baradaky düzgüni saklamak we Gaza ynsanperwer kömeginiň üznüksiz ýetirilmegine eýermelidigini" ýene-de bir gezek nygtady.
Beýannamada halkara jemgyýetçiliginiň parahatçylyk tapgyryny ilerletmekdäki jogapkärçiligini ýerine ýetirmeginiň möhümdigi bellendi.
Oktýabr aýynyň başynda ot açyşlygy bes etmek hakyndaky ylalaşygyň güýje girmeginden bäri Ysraýylyň guran hüjümlerinde 524-den gowrak palestinli öldi.
Soňky 24 sagadyň dowamynda Gazanyň dürli künjeklerinde Ysraýylyň hüjümlerinde 37 palestinaliniň ölendigi habar berildi.
