Şwesiýanyň Goranmak ministri Pal Jonson Ýewropa ýurtlaryna Russiýanyň barha artýan harby kuwwatyna we NATO ýaranlaryna garşy “prowokasiýalaryna” jogap hökmünde, “parahatçylyk döwrüniň düşünjesinden” ýüz öwürmek we “söweşe taýýarlyk ýagdaýy” kabul etmek barada duýduryş berdi.
Sişenbe güni Berlinde Germaniýanyň Goranmak ministri Boris Pistorius bilen geçirilen gepleşikleriň öňüsyrasynda çykyş eden Pal Jonson Russiýanyň uzak aralykly ýaraglar we elektron harby enjamlar babatyndaky öňe gidişlikleriniň üstünde durup geçdi.
Konrad Adenauer gaznasynda Germaniýanyň Federal Kansleri Fridrih Mersiň partiýasy bilen baglanşykly panelde çykyş eden Pal Jonson: “Parahatçylyk döwrüniň düşünjesinden söweşe taýýarlyk ýagdýayna geçmegimiz zerur” diýip belledi.
Jonson, howpsuzlyk töwekgelçiliginiň ýokarlanmagy bilen Şwesiýa bilen Germaniýanyň arasynda has güýçli goranyş hyzmatdaşlygynyň ähmiýetlidigini, ikitaraplaýyn utgaşdyrmagyň “möhümdigini” aýtdy.
