Ysraýylyň harby goşuny, ylalaşyga garamazdan Gazanyň günortasyna we demirgazygyna onlarça hüjüm gurady.
Şaýatlar we ýerli çeşmeler, Ysraýylyň howpsuzlyk güýçleriniň şenbe güni ir ertir Rafah we Han Ýunus şäherlerine howa hüjümini gurandygyny, ulaglary, desgalary we ýaşaýyş jaýlaryny nyşana alandygyny habar berdi.
Ysraýyl tarapyndan nyşana alynan ýerler Gazanyň günortasynda Ysraýylyň gözegçiligi astyndaky “sary zolakda” ýerleşýär.
Ysraýylyň harby goşunynyň anna güni Han Ýunusdaky we Gaza sektorynyň merkezindäki bosgun düşelgelerine hüjüm gurandygy, hüjümde Jebaliýe bosgun düşelgesiniň gündogaryndaky binalaryň nyşana alynandygy nygtaldy.
Ysraýyl hüjümleriň bes edilmegi boýunça gazanylan ylalaşygyň çäginde Gazanyň 50 göteriminden gowragyny basyp alyşlyk astynda tutmaga dowam edýär.
Ysraýylyň harby güýçleriniň ornaşdyrlan sebitleri bilen palestinlileriň ýaşaýyş ýerlerini biri-birinden aýyrýan zolak “sary zolak” hökmünde atlandyrylýar.
Ysraýylyň harby goşuny 2023-nji ýylyň oktýabr aýyndan bäri Gazada esasy bölegi zenanlardan we çagalardan ybarat 70 müň adam ýogalmagyna, 170 müňden gowrak adamyň hem ýaralanmagyna sebäp boldy.
