ABŞ-nyň Söwda ministri Kongresiň Epşteýn derňewinde şaýatlyk etmäge razylyk berdi

ABŞ-nyň Söwda ministri Howard Lutnik, masgaraçylyklara goşulyşan we jynsy jenaýatlarda günäli tapylan Jeffri Epşteýn bilen ozalky gatnaşyklary boýunça dowam edýän derňew işiniň çäginde Kongresiň öňünde şaýatlyk düşündiriş bermäge razy boldy. “Ministr Lutnik Wekiller Palatasynyň Gözegçilik we Hökümet Reformalary Komitetiniň öňünde düşündiriş bermäge meýletin razy boldy” diýip, komitetiň Respublikan partiýasyndan bolan orunbasary Jeýms Komer beýan etdi.

Komer wagtyny anyk aýtmady, ýöne Lutnikiň “açyklyga ygrarlylygynyň” öwgä mynasypdygyny belledi we derňewe gatnaşmaga işlegi mynasybetli ony gutlady.

Komitet Lutnikiň Epşteýn bilen gatnaşyklary barada ýazmaça söhbetdeşlige gatnaşjakdygyny mälim etdi.

Adalat ministrligi ýanwar aýynda Epşteýn bilen baglanyşykly millionlarça faýly, şol sanda Lutnikiň Epşteýn bilen gatnaşyklaryny bes edendigini aýdandan soň, onuň Karib deňzindäki hususy adasyna günoarta nahary üçin barandygyny delillendirýän e-poçtalary çap etdi. Geçen ýyl ABŞ-nyň prezidenti Donald Tramp tarapyndan bu wezipä bellenen Lutnik, bu beýanatlardan soň demokratlardan we käbir respublikanlardan wezipesinden çekilmegi baradaky çagyryşlara duçar boldy.

Lutnik geçen aý kanun çykaryjylara Epşteýn bilen "tas hiç hili gatnaşygynyň ýokdugyny" hem-de 14 ýylyň dowamynda takmynan 10 e-poçta alyşandygyny we üç gezek duşuşandygyny aýtdy.

Şeýle hem, ol Epşteýniň adasyndaky nahara, özüniň şol wagtlar golaýdaky gämidedigi we maşgalasynyň hem şol ýerde bolandygy sebäpli gatnaşandygyny aýtdy.

Lutnik syýasatda, biznesde we güýmenjede öňdebaryjy adamlardan  biri bolup, Epşteýn bilen ozalky gatnaşyklary sebäpli gözegçilide degişli edildi.

Lutnik täze çap edilen resminamalarda Epşteýn bilen gatnaşyklary baradaky öňki beýanatlarynyň arasyndaky gapma-garşylyklar sebäpli hem käbir soraglara sezewar boldy. Lutnik maliýe firmasy “Cantor Fitzgerald-yň” baş müdiri mahalynda Epşteýniň Nýu-Ýorkdaky goňşusydy.