Hamas Netanýahunyň Rafah gümrük geçelgesini açmazlyk hakyndaky kararyny ylalaşygyň düzgünleriniň “aç-açan bozulmagy” we töwellaçylara berilen kepillikleriň “inkâr edilmegi” hökmünde häsýetlendirdi.
Palestiniň söweşjeň topary Hamas şenbe güni beren beýannamasynda Müsür bilen Gazanyň arasyndaky Rafah gümrük geçelgesiniň açylmazlygyny ýesirleriň gowşurylmagyny bökdejekdigini nygtady.
Beýannamada gümrük geçelgesiniň ýapyk bolmagynyň “harabalyklaryň aşagynda ýitenleri gözlemek üçin gerek bolan enjamlaryn gelmegine ýol bermeýändigini we lukmançylyk kazyýetiniň gullukçylaryny bilen şahsyýeti anyklamak üçin gerek bolan ýörite enjamlaryň geçmegine päsgel berýändigi mälim edildi.
Netanýahunyň ofisi ozalky beýanatynda gümrük geçelgesiniň “nobatdaky bildirişe çenli” açylmajakdygyny we onuň Gazadaky ylalaşyga laýyk gelmeýändigini habar beripdi.
Hamasyň beýanatynda; “Netanýahunyň Rafah gümrük geçelgesinin gaýtadan açylmagynyň yza süýşürilmegi hakyndaky karary, ylalaşygyň aç-açan bozulmagy we töwellaçylar bilen hemaýatkär taraplara beren kepillikleriniň inkär edilmegidir” diýilýär.
Hamas Netanýahunyň “ylalaşygyň iş ýüzüne geçirilmegini bökdemek we borçlaryny berjaý etmekden çetde durmak üçin bahana tapýandygyny beýan etdi.
Hamas töwellaçylary we hemaýatkär taraplary Ysraýyla gysyş edip, gümrük geçelgesini dessine açmaga, ylalaşygyň doly ýerine ýetirilmegine we Gazadaky dowam edýän jenaýatlary bes etmäge çagyrdy.
Hamas Halkara Gyzylhaç komitetiniň gullukçylaryna Gazada iki ysraýylly esgeriň jesedini gowşurdy.
Ysraýylyň “Kanal 12” teleýaýlymy bu baradaky habarynda “İki ysraýylly esgeriň jesedi häzirki wagtda Gyzylhajyň gullukçylarynda we olar goşuna tarap gelýärler” diýip, mälim etdi.
Hamas ylalaşygyň çäginde 20 ysraýylly ýesiri boşatdy we ýesirlikde ýoğalan 11 adamyň jesedini gowşurdy. Şolaryň öwezinde 2 müň palestinli tussag boşadyldy.
Ylalaşyk geçen hepde ABŞ-nyň Prezidenti Donald Tramp tarapyndan hödürlenen meýilnamanyň esasynda Ysraýyl bilen Hamas tarapyndan gazanyldy.
Ylalaşygyň birinji tapgyry ysraýylly ýesirler bilen pelestinli tussaglaryň çalşylmagyny nazarda tutýardy.
