Ermenistanyň Premýer-ministri Nikol Paşinýan, Nýu-Ýorkda geçirlen BMG-nyň Baş Assambleýasynda eden çykyşynda, Ermenistan bilen Azerbaýjanyň arasynda parahatçylygyň ýola goýlandygyny we bu taryhy ylalaşygyň gazanylmagynda ABŞ-nyň Prezidenti Donald Trampyň uly rol oýnandygyny aýtdy.
Nikol Paşinýan şenbe güni beren beýannamasynda, iki ýurduň daşary işler ministriniň 8-nji awgustda Waşingtonda duşuşandygyny we “parahatçylyk we döwletara gatnaşyklar” şertnamasyna gol çekişendigini, şertnama gol çekişlik dabarasyna Trampyň we Azerbaýjanyň Prezidenti Ilham Aliýewiň gatnaşandygyny nygtady.
“ABŞ-nyň Prezidenti Donald Tramp parahatçylyk etabyna uly rol oýnady” diýen Paşinýan, özüniň hem-de Aliýewiň Trampy Nobel parahatçylyk baýragyna dalaşgärlige hödürlemek boýunça ylalaşyk gazandygyny nygtady.
Türkiýe bilen ýurdunyň arasyndaky gatnaşyklaryň kadalaşýandygyna ünsi çeken Paşinýan, Prezident R. T. Erdogan bilen netijeli gepleşikler geçirendigini ýatlatdy.
Ermenistanyň Premýer-ministri Paşinýan ýurdunyň ÝB, ABŞ, Russiýa, Hytaý we Hindistan bilen birlikde beýleki goňşulary bilen edýän gatnaşyklaryny ösdürmegi maksat edinýändigini belledi.
Paşinýan Ermenistanyň Parlamentiniň ÝB-ne agzalyk etabynyň başladylmagy üçin kanun kabul edendigini ýatlatdy.
Paşinýan dünýä ýurtlarynyň liderlerini 2026-njy ýylda Ermenistanda geçiriljek Ýewropa syýasy jemgyýetçilik sammitine we BMG-nyň Biologik köpdürlilik konferensiýasyna çagyrdy.
Paşinýan şol güne çenli Ermenistan-Azerbaýjan parahatçylyk şertnamasynyň baglaşylmagyny we Ermenistan-Türkiýe serhetleriniň açylmagyny maksat edinýändiklerini aýtdy.
