Terror guramasy PKK/ÝPG Siriýanyň demirgazygynda asuda ilaty nyşana alýar
Siriýanyň goşuny hüjümden soň terror guramasy PKK/ÝPG-niň pozisiýalaryna hüjüm gurap, garşylyk görkezdi
Ýerli metbugatyň habaryna görä Siriýanyň Demokratik Güýçleriniň (SDG) ady bilen iş alyp barýan terror guramasy PKK/ÝPG ýekşenbe güni Siriýanyň demirgazygyndaky asuda ilatly nokatlara artilleriýa hüjümlerini amala aşyrdy.
Siriýanyň Arap habar gullugy (SANA) terror guramasynyň Halapyň Deir Hafir sebitindäki Humaýma we Al-Keyta obalaryny nyşana alandygyny habar berdi.
Siriýanyň goşuny hüjümden soň terror guramasy PKK/ÝPG-niň pozisiýalaryna hüjüm gurap, garşylyk görkezdi.
10-njy martda Siriýanyň hökümeti SDG-ni döwlet edaralaryna integrasiýa etmek barada ylalaşyk baglaşylandygyny habar berdi. Bu şertnama, separatistik meýilnamany ret etmek bilen ýurduň territorial bitewiligini nygtady.
Şeýle-de bolsa, gurama birnäçe gezek bu şertnamanyň düzgünini bozdy.
Geçen ýylyň dekabr aýynda Başar Asadyň 24 ýyllyk häkimiýetiniň tamamlanmagyndan bäri, Siriýanyň hökümeti howpsuzlyk çärelerini artdyrdy.
Başar Asad Russiýa gaçyp 1963-nji ýyldan bäri dowam edip gelen Baas partiýasynyň ýolbaşçylygyndaky hökümeti resmi taýdan ýatyrdy.
Siriýada ýanwar aýynda Ahmed Al Şaranyň ýolbaşçylyk etmegindäki wagtlaýyn hökümet wezipä girişdi.