Ýuta ştatynyň gubernatory Spenser Koks ýekşenbe güni sagçy aktiwist Çarli Kirki öldürmekde günäkärlenýän adamyň resmiler bilen hyzmatdaşlyk etmeýändigini, ýöne derňewçileriň hüjümiň sebäbini anyklamak üçin dostlary we maşgalasy bilen söhbetdeşlik geçirýändigini aýtdy.

Koks şübhe astynda bolan 22 ýaşly Taýler Robinsonyň sişenbe güni resmi jogapkärçilige çekiljekdigini aýtdy. Robinson Ýuta ştatynda tussaglykda saklanamaga dowam edilýär.

Derňewçiler Taýler Robinsonyň çarşenbe güni Ýuta Walleý uniwersitetinde geçirilen açyk meýdandaky çärede üçege çykyp, uzak aralykdan Kirkiň boýnundan atandygyny öňe sürmeleriň sebäbini entek doly ýagdaýda çözmediler.

Ady agzalan jenaýat Amerikanyň Birleşen Ştatlarynda syýasy zorlugyň ýokarlanmagy baradaky gorkyny janlandyrdy we çep bilen sag arasyndaky bölünişigiň çuňlaşýandygyny görkezdi.

Koks ABC kanalynyň "Şu hepde" atly programmasynda Robinsonyň derňewçiler bilen geçirilen söhbetdeşliginde entek hiç hili boýun almaýandygyny aýtdy.

Respublikan gubernator: "Ol hyzmatdaşlyk edenok, ýöne töweregindäkileriň hemmesi hyzmatdaşlyk edýär we meniň pikirimçe bu gaty möhüm" diýdi.

Koks FBI-den alnan maglumatlara esaslanyp derňewçiler bilen söhbetdeş bolanlaryň arasynda Robinson bilen bir otagda galan we şol bir ýagdaýda halaşýan gyzynyň hem bardygyny mälim etdi.