Germaniýanyň Federal kansleri Fridrih Mers Berliniň Türkiye Respublikasyny Ýewropa Bileleşiginde görmek isleýändigini aýtdy we Türkiyäniň daşary syýasatdaky ornuna ünsleri çekdi.
Mers penşenbe güni beren beýanatynda Prezident Rejep Taýýip Erdogana bu mesele boýunça Ýewropa derejesinde strategik dialog başlatmak isleýändigini we Kopengagen kriteriýalaryny ara alyp maslahatlaşandyklaryny aýtdy.
Prezident Erdogan Türkiyäniň Kopengagen kriteriýalary boýunça netijelendiriljek bolan halatynda, Ankaranyň Ýewropa we dünýä bilen gatnaşyklaryny ýola goýýan zatlaryň öz "Ankara kriteriýalarydygyny” aýtdy.
Türkiyä Federal kansler derejesinde ilkinji gezek sapar guraýan Mers Ankarada Erdogan bilen geçirlen metbugat ýygnagynda; “Biz bu gepleşikleri geljekde hem dowam etdirmek isleýäris” diýdi.
Dünýäniň "beýleki döwletleriň global syýasaty kemala getirjek täze geosyýasy tapgyryna girýändigini" aýdan Mers, "Bir germaniýaly we ýewropaly hökmünde strategik hyzmatdaşlygy çuňlaşdyrmalydyrys we Türkiye bu prosesden uzaklaşdyrylmaly däl" diýip belledi.
“Türkiye bizi aladalandyrýan ähli daşary syýasat we howpsuzlyk meselelerinde örän möhüm aktýordyr” diýip, aýdan Mers Germaniýanyň howpsuzlyk syýasatynda Türkiye bilen has ýakyndan hyzmatdaşlyk etjekdigine söz berdi.
Gazada parahatçylyk
Mers, Gazadaky ýagdaýyň hem ara alnyp maslahatlaşylandygyny belläp: "Ýesirleriň boşadylmagy we ok atyşygy bes etmek boýunça öňegidişlik örän oňyn. Ilkinji gezek dowamly parahatçylygyň üpjün edilmegine umyt bar" diýdi.
Mers Erdogana Gazada parahatçylygy üpjün etmekdäki roly üçin minnetdarlyk bildirip: "Bu proses Türkiye, Katar, Müsür we ABŞ bolmasa mümkin bolmazdy. Munuň amala aşmagy üçin sag boluň" diýip nygtady.
Merz Germaniýanyň parahatçylygy saklamak üçin elinden gelenini etjekdigini nygtady we munuň ilkinji gezek nemes ofiserleriniň Ysraýylyň günortasyndaky raýat-harby merkezine ýerleşdirilýändigini belledi.
