Palestinli söweşjeň topar Hamas, ABŞ-nyň Prezidenti Donald Trampyň Gaza meýilnamasynyň çäginde ýaraglaryny tabşyrmagy kabul edendigi hakyndaky habarlaryň asylsyzydygyny mälim etdi.

Köpçülikleýin habar beriş serişdelerinde ozal berlen habarlarda, Hamasyň halkara guramalaryň gözegçiliginde Palestin-Müsür komitetine ýaraglaryny tabşyrmagy kabul edendigi öňe sürlüpdi.

Hamasyň ýokary derejeli agzalaryndan Mahmud Mardawi beren beýannamasynda “Ylalaşyk gepleşikleri we Hamasyň ýaragyny tabşyrjakdygy barada käbir köpçülikleýin habar beriş serişdelerinde berlen habarlar asylsyzdyr” diýdi.

Mardawi, köpçülikleýin habar beriş serişdelerinde berlen habarlary “asylsyz” hökmünde häsiýetlendirdi.

Müsür, Trampyň Gaza meýilnamasynyň çäginde Ysraýylly we Hamasly wekiliýetiň duşenbe güni ýesir çalşygy şertnamasy meselesi boýunça gepleşik geçirjekdigini mälim etdi.

ABŞ-nyň Prezidenti Donald Tramp 29-njy sentýabrda ysraýylly ýesirleriň we palestinli tussaglylaryň boşadylmagy, hüjümleriň bes edilmegi, Hamasyň ýaragsyzlandyrylmagyny we Gazanyň gaýtadan dikeldilmegini öz içine alýan 20 maddalyk teklip hödürläpdi.

Hamas umuman alnanda teklibi kabul edýändigini we soňky tapgyryň Müsürde ara alnyp maslahatlaşyljakdygyny mälim etdi.

Ysraýyl häzire çenli esasy bölegi zenanlardan we çagalardan ybarat 67 müňden gowrak palestinlini öldürdi.