BMG Russiýany sişenbe güni Ukrainanyň günortasynda ýerleşýän Herson sebitinde BMG-na degişli ynsanperwer kömek kerwenine hüjüm guramakda günäkärledi.

BMG-nyň Ukrainadaky ofisi tarapyndan berlen beýannamada, 4 ulaglyk kerweniň Bilozerka etrapçasyna ynsanperwer kömegini alyp barýarka rus hüjümine sezewar bolandygy nygtaldy.

Beýannamada hüjümiň kabul edilmesizdigi bellenildi.

Beýannamada “Hüjüme sezewar bolan BMG-nyň ynsanperwer işlerinden jogapkär gullugynyň we Bütindünýä Saglygy goraýyş guramasynyň işgärleri birnäçe aýdan bäri kömek almadyk halka ynsanperwer kömegini alyp barýardy” diýildi.

Hüjümde ýogalanyň ýada ýaralananyň bolmandygy, emma iki ulaga zeper ýetirlendigi bellenildi.

Ukrainanyň Daşary işler ministri Andrii Sybiha X sosial media platformasy arkaly beren habarnamasynda hüjümi ýazgardy we BMG-na agza ýurtlara hüjümleri ýazgarmaklary we Moskwa garşy basyş etmekleri üçin çagyryş berdi.

Ukrainanyň Daşary işler ministrliniň X sosial media platformasy arkaly beren habarnamsynda, hüjümde kerwendäki 4 ulagyň dolulygyna ýanandygy nygtaldy.

Russiýa tarapyndan hüjüm hakynda heniz hiç hili beýanat berilmedi.

Ukrainanyň Prezidenti Wolodimir Zelenskiý hem sişenbe güni irden beren beýannamasynda, ýurduň demirgazyk gündogarynda ýerleşýän Harkow şäherine guralan rus howa hüjümlerinde 57 adamyň ýaralanandygyny mälim edipdi.

Prezident Zelenskiý ýaranlaryndan goşmaça howa goranyş ulgamlaryny talap etdi we halkara jemgyýetçiligine Russiýa garşy basyş etmekleri üçin çagyryş etdi.

Ukrainanyň howa güýçleri şu gün irden Telegram arkaly beren habarnamasynda howa goranyş ulgamlarynyň düýn gije Russiýa tarapyndan atylan 96 dronyň 69-ny hatardan çykarandygyny mälim etdi.

Moska bu garaýşa heniz jogap bermedi.