Azerbaýjanyň Prezidenti Ilham Aliýew, ABŞ bilen Ysraýylyň Eýrana guraýan bilelikdäki hüjümleri sebäpli Tährana ynsanperwer kömeginiň ugradylmagy barada görkezme berdi.
Azerbaýjanyň APA habarlar gullugynyň sişenbe güni beren habaryna görä, Azerbaýjandan Eýrana 10 tonna un we 2 tonna golaý lukmançylyk enjamy bilen birlikde beýleki ynsanperwer kömek harytlary ugradyldy.
Habarda “Azerbaýjanyň Adatdan daşary ýagdaýlar ministrligi arkaly Eýran Yslam Respublikasyna ugradan ynsanperwer kömegi 10 tonna uny, 6 tonna tüwini, 2,4 tonna şekeri, 4 tonnadan gowrak agyz suwyny, 600 kilogram çaýy we 2 tonna lukmançylyk enjamlaryny öz içine alýar” diýildi.
Azerbaýjan duşenbe güni ýurdunyň howa giňişliginiň bozulmagyndan soň ýapylan Eýran bilen ähli gümrük geçelgelerini ýük gatnawyna gaýtadan açandygyny mälim edipdi.
Russiýanyň TASS habarlar gullugynyň berýän habaryna görä, Baku Nahiçewana Eýrandan atylan dron sebäpli geçen hepde ähli gara ýollaryny ýapypdy.
Eýranyň Prezidenti Mesud Pezeşkiýan ýekşenbe gijesi Azerbaýjanyň Prezidenti İlham Aliýewe telefon edip Tähranyň Azerbaýjana guralan dron hüjümi bilen arabaglanşygynyň ýokdygyny aýdypdy.
Azerbaýjan tarapyndan berlen beýannamada “Nahiçewana guralan howa hüjüminiň Eýran bilen hiç hili arabaglanşygynyň ýokdygyny aýdan Prezident Mesud Pezeşkiýan, wakanyň giňişleýin barlanjakdygyny aýan etdi” diýildi.
Azerbaýjanly ýolbaşçylar penşenbe güni 4 dronyň Nahiçewana guran hüjüminde 4 adamyň ýaralanandygyny mälim edipdi.
Ysraýyl bilen ABŞ 28-nji fewralda Eýrana garşy hüjüm başlatdy. ABŞ bilen Ysraýylyň Eýrana guraýan bilelikdäki hüjümleri sebäpli häzire çenli dini lideri Ali Hamenei bilen birlikde 1300 adam ýogaldy.
Eýran Ysraýyla we ABŞ-nyň harby merkezlerine ýer eýeçiligini edýän Aýlag ýurtlaryna dron we raketa hüjümlerini guramak bilen garşylyk görkezýär.
Eýran 1-nji martda Hormuz bogazyny dolulygyna ýapdy. Strategiýa taýdan esasy orun eýeleýän bu suw ýoly arkaly günde ortaça 20 million barrel nebit daşalýar.
