Braziliýanyň ozalky Prezidenti Bolsonaro 27 ýyl azatlykdan mahrum edildi
Ýokary kazyýet Bolsonaronyň 2022-nji ýylda geçirlen saýlawda ýeňilenden soň agdarlyşyk etmäge synanşandygyny tassyklady.
Braziliýanyň ozalky Prezidenti Bolsonaro 2022-nji ýylda geçirlen saýlawda ýeňilenden soň wezipesini dowam etdirmek üçin agdarlyşyk etmäge synanşandygy sebäpli 27 ýyl azatlykdan mahrum edidi.
Ýokary kazyýetyň kazysy Aleksandr de Moraes, Bolsonaronyň şenbe güni tussag edilendigini we şol günden bäri tussaglykda saklanýandygyny mälim etdi.
Bosonaro şenbe güni ýurtdan gaçyp biljekdigi sebäpli tussag edilipdi.
Braziliýanyň jenaýat hukugy 70 ýaşyndaky syýasatçynyň Braziliýadaky ýerli tussaghanada ýada harby desgalaryň birindei tussaglykda saklanmagna rugsat berip biler.
De Moraes, Bolsonaronoň özümi aklamak üçin ähli hukuklaryny ulanandygyny aýtdy.
Bolsonaronyň aklawçylary saglygy sebäpli onuň öý tussaglygynda saklanmalydygyny mälim edipdi.
Kazy De Moraes Bolsonaronyň gaçmaga synanşyp biljekdigini nygtaýar we Bolsonaro awgust aýyndan bäri öý tussaglygynda saklanýar.
Braziliýanyň demokratik ulgamy
Bolsonaro bilen birnäçe ýarany 2022-nji ýylda geçirlen prezident saýlawynda ýeňilenden soň Braziliýanyň demokratik ulgamyny bozmaga synanşmakda günäkärlendi we Ýokary kazyýetiň kazylardan ybarat geňeş tarapyndan tussag edildi.
Bolsonaro Prezident Lula da Silwany, Wise-prezident Geraldy Alkmin we kazy De Moraesi öldürmegi meýilleşdirmekde we 2023-nji ýylyň başynda başdan geçirlen protest ýörişlerini höweslendirmekde günäkärlendi.
Bolsonaro şeýle hem ýaragly gurama ýolbaşçylyk etmekde we demokratik hukuk ulgamy agdarmaga synanşmakda günäkärlendi.