Türkiýäniň Ukraina parahatçylyk etabyndaky rolyna uly ähmiýet berýän Russiýa, Prezident Erdoganyň töwellaçylyk tagallalaryny dowam etdirjekdigi hakyndaky beýannamasyna kanagatlanma bildirdi.
Kremliň metbugat sekretary Dmitriý Peskow, Russiýanyň Türkiýäniň Ukraina düşnüşmezliginiň çözülmegi üçin edýän tagallasyna kanagatlanma bildirýändiklerini aýtdy.
Anna güni Türkmenistanyň paýtagty Aşgabatda metbugata beýannama beren Peskow, Moskwanyň Türkiýe Respublikasynyň Prezidenti R. T. Erdoganyň düşnüşmezligiň çözülmegi üçin edýän tagallasyna kanagatlanma bildirýändiklerini belledi.
Peskow “Türkiýe töwellaçylyk tagallalaryny dowam etdirmek we parahatçylyk etabyna goşant goşmaga taýardyklaryny mälim etdi. Biz bu tagallalara hoşallyk bildirýäris” diýdi.
Peskow Orta Aziýa ýurtlarynyň liderleriniň Aşgabatda geçirlen Halkara Parahatçylyk we ynanyşmak forumynda Ukraina meselesini ara alyp maslahatlaşyp maslahatlaşmandygy hakyndaky soraga “Mesele gün tertibine getirilmedi” diýip jogap berdi.
Erdogan Putin bilen duşuşdy
Türkiýe Respublikasynyň Prezidenti R. T. Erdogan anna güni Türkmenistanyň paýtagty Aşgabatda geçirlen Halkara Parahatçylyk we ynanyşmak forumynyň çäginde Russiýanyň Prezidenti Wladimir Putin bilen birlikde beýleki ýolbaşçylar bilen duşuşdy.
Prezident diwanynyň X sosial media platformasy arkaly beren habarnamasyna görä, Erdogan, Russiýanyň Prezidenti Wladimir Putin, Pakistanyň Premýer-ministri Şahbaz Şerif we Türkmenistanyň Prezidenti Serdar Berdimuhamedow bilen duşuşdy
Prezident Erdogan BMG-nyň Baş Assambleýasynyň 2025-nji ýyly “Halkara parahatçylyk we ynanyşmak ýyly” hökmünde yglan etmeginiň we Türkmenistanyň hemişelik bitaraplygynyň 30 ýyllygyna bagyşlanyp paýtagt Aşgabatda geçirlen halkara forumyň çäginde Eýranyň Prezidenti Mesud Pezeşkiýan bilen hem duşuşdy.
