Pakistanyň köpçülikleýin habar beriş serişdeleri şu gün ir ertir “Bunýan-un-Marsoos” operasiýasynyň başlandygyny mälim etdi.
Habarda “Ar alyş hüjümlerinde Hindistandaky birnäçe ýer nyşana alynýar. Bunýan-un-Marsoos sözi “Berk gurluş” ýada “Geçilmez diwar” manysyny aňladýar”diýildi.
Pakistanyň harby goşuny, Hindistanyň Brahmos raketa desgasy bilen Kaşmiriň Hindistanyň gözegçiligi astynda ýerleşýän Pathankot we Udhampur etrapçalaryndaky harby merkezleriň nyşana alynandygyny mälim etdi.
“Roýter” habarlar gullugy, Hindistandaky harby çeşmelere esaslanýan habarynda Hindistanyn Pakistana garşy howa hüjümlerini guraýandygyny mälim etdi.
Kaşmiriň Hindistanyň gözegçiligi astyndaky etrapçalarynyň ýaşaýjylary birnäçe ýerden partlama sesleriniň eşilendigini mälim etdi.
Şu gün jedelli sebitiň iki uly şäheri bolan Srinagar we Kammu şäheri bilen Udhampur şäherçesinden partlama sesleri eşidildi.
Hindistanyň raketalary
Pakistanyň harby goşunynyň metbugat sekretary Pakistanyň garşy hüjümlerinden öň, Hindistanyn Pakistandaky üç harby howa menziline raketa atandygy, emma raketalaryň esasy bölüniň hatardan çykarlandygyny mälim etdi.
Soňky wakalar, geçen aý Hindistanyň Pakistany günäkärleýän ýaragly hüjümleri sebäpli başdan geçirilýär.
Yslamabat ady agzalýan hüjüm bilen hiç hili arabaglanşygynyň ýokdygyny nygtaýar we halkara derejesinde derňew işiniň geçirilmegini teklip etdi. Emma Hindistan Pakistanyň teklibini kabul etmedi.
Hindistanyň harby goşuny anna güni beren beýannamasynda, Pakistan serhedinde ýerleşýän Hindistana degişli etrapçalarda 26 dronyň görlendigini mälim etdi.
Beýannamada, dronlaryň ýakyndan yzarlanýandygy bellenildi.
