Moskwa Ukrainany Ortaýer deňzinde LNG tankerine UHU hüjümini guramak bilen aýyplaýar
Russiýa "terrorçylyk aksiýa" hökmünde häsýetlendiren hüjümiň Liwiýanyň kenaryndan Ukrainanyň deňiz güýçleriniň uçarmansyz howa ulagy tarapyndan amala aşyrylandygyny öňe sürdi.
Russiýanyň Ulaglar ministrligi çarşenbe güni Ukrainanyň deňiz güýçlerine degişli uçarmansyz howa ulaglarynyň geçen gün Ortaýer deňzinde ýanan “Arctic Metagaz” atly suwuklandyrylan tebigy gaz (LNG) tankerine hüjüm edendigini öňe sürdi.
Eger waka tassyklansa, bu Ukrainanyň Russiýanyň LNG tankerine guran ilkinji hüjümi hökmünde hasaba alynar.
Ukrainanyň Howpsuzlyk Gullugy beýanat bermek baradaky talaplara jogap bermedi.
Ukraina Russiýanyň nebiti gaýtadan işleýän zawodlaryny we beýleki energiýa infrastrukturasyny yzygiderli nyşana alýar.
Russiýanyň Ulaglar ministrligi gämidäki 30 ekipaž agzasynyň ählisiniň Russiýanyň raýatlarydygyny we olaryň howpsuz ýagdaýdadygyny habar berdi.