Türkiye: Ysraýyl Gazadaky düzgün bozmalaryny dessine bes etmeli
Türkiye şeýle hem Ankaranyň Siriýa halkynyň ähli gatlaklarynyň parahatçylygyny, abadançylygyny we howpsuzlygyny goldamagyny dowam etdirjekdigini mälim etdi.
Milli howpsyzlyk geňeşi çarşenbe güni beren beýanatynda, Ysraýylyň Gazadaky düzgün bozmalaryny dessine bes etmelidigini we öz borçlaryny ýerine ýetirmelidigini aýtdy.
Beýanatda şeýle hem Türkiyäniň Gazada durnuklylygy üpjün etjek we gaýtadan dikeltmek işlerine goşant goşjak mehanizmlerde jogapkärçiligi öz üstüne almaga taýýardygy bellenildi.
Prezident Rejep Taýýip Erdogan Ankaradaky Prezident köşgünde geçirilen maslahata ýolbaşçylyk etdi.
10-njy oktýabrda güýje ot açmagy bes etmek baradaky ylalaşyga laýyklykda, her gün 600 ynsanperwer kömek ýük ulagy Gaza girmelidi. Emma Ysraýyl her gün iň köp 200 ynsanperwer kömek ýük ulagynyň girmegine rugsat berýär.
Ysraýyl ylalaşyga eýermedi we 10-njy oktýabrdan bäri her gün diýen ýaly amala aşyrýan hüjümlerinde azyndan 342 palestinalynyň ölümine sebäp boldy.
Ysraýyl 2023-nji ýylyň oktýabr aýyndan bäri Gaza garşy guran hüjümlerinde aglabasy zenanlardan we çagalardan ybarat 70 müňden gowrak adamy öldürdi we 170 müň 700-den gowrak adamy ýaralady.
Milli howpsyzlyk geňeşi Ankaranyň Siriýanyň halkynyň ähli gatlaklarynyň parahatçylygyny, abadançylygyny we howpsuzlygyny goldamagyny dowam etdirjekdigini mälim etdi.
Russiýa-Ukraina urşundaky soňky ýagdaýy ara alyp maslahatlaşan geňeş, Türkiyäniň adalatly we dowamly parahatçylygy ýola goýmak üçin global hyzmatdaşlary bilen tagallalaryny dowam etdirmäge ygrarlydygyny tassyklady.