Şwesiýaly howa aktiwisti Greta Tunberg Gaza kömek flotilinden beýleki tussaglar bilen bilelikde Ysraýyly güýçleri tarapyndan saklanan möhletinde gynalandyklaryny we arassa agyz suwundan mahrum edilendiklerini aýtdy.

Sişenbe güni Stokgolmda geçirilen metbugat ýygnagynda çykyş eden Tunberg özüniň we beýleki tussaglaryň geçen hepde Gaza ynsanperwer kömegini ýetirmäge synanşan Global Sumud flotiliniň bikanun saklanmagyndan soň Ysraýylyň harby güýçleri tarapyndan “zamunan alynandygyny we gynama sezewar edilendigini” aýtdy.

22 ýaşly Tunberg; “Maňa edilenleri şahsy taýdan aýtmak islämok, sebäbi onuň gazetlerde çykmagyny we “Greta gynaldy” diýilmegini islemeýärin. Sebäbi bu esasy mesele däl. Biziň başdan geçirenlerimiz Gazadaky adamlaryn her gün başdan geçirýänlerine garalanda hiç zat” diýdi.

Tunberg tussaglaryň kiçijik kapasalara goýulýandygyny we lukmançylyk kömegini soranlary gaz bilen öldürjekdiklerini aýdýarlar.

Tunberg: “Biz lukman we möhüm dermanlardan birini soranymyzda 60 adamy kiçijik kapasalaryň içine saldylar hem-de bizi gaz bilen öldürjekdiklerini aýtdylar” diýdi.

“Arassa suw ýok”

Tunberg şeýle hem tussaglaryň arassa agyz suwundan mahrumdygyny we hapa suw içenden soň ýarawsyzlanandyklaryny aýtdy.

“Öňümizde agyz suwy doldurylan çüýşeleri taşladylar we olary arassa suw soranymyzdan soň getirdiler” diýen şwesiýaly aktiwist; “Oolara “Arassa agyz suwy berilýänçä gitmejekdigimizi aýtdyk” diýdi.

Tunberg Şwesiýanyň Konsullygynyň resmileriniň tussaglaryň şikaýartlaryndan habarlydygyny, emma netijeli çäre görmändiklerini sözleriniň üstüne goşdy.

Tunberg “Konsullygyň işgärleri biziň bilen duşuşandan soň gitjek mahaly olara “Siz gidenden soň bizi urarlar” diýdim. Emma olar muňa garamazdan gitdiler” diýdi.

50 ýurtdan 470-den gowrak aktiwistiň we 40-dan gowrak gäminiň gatnaşmagyndaky Global Sumud Flotili Ysraýylyň Gaza goýan 18 ýyllyk gabawyny böwürmek üçin öňe barýarka Ysraýylyň floty tarapyndan saklandy.