Polşanyň Premýer-ministri Donald Tusk sişenbe güni beren beýannamasynda ýurduň dürli sebitlerinde sabbotaž aksiýasyny guramaga taýýarlyk görýändikleri şübhesi bilen sekiz adamyň saklanandygyny aýtdy.
Resmileriň beýan etmegine görä Polşa birnaçe wagtdan bäri Russiýanyň “çylşyrymly uruş” usullarynyň çäginde oda bermek we kiber hüjümleri ýaly synanşyklar bilen nyşana alynan ýurtlaryň hatarynda durýar. Russiýa bolsa şol günäkärlemeleri kabul etmeýär.
Tusk X platformasynda beren habarnamasynda “İçerki howpsuzlyk guramasy degişli guramalar bilen hyzmatdaşlykda soňky günlerde ýurduň dürli sebitlerinde sabbotaž aksiýalaryny guramaga taýýarlyk görýändigi sebäpli sekiz adamy saklady. Operatiw işler dowam edýär” diýip, ýazdy.
Ýörite gulluk hyzmatlaryndan jogapkär Tomas Simoniak bolsa X hasabyndan beren habarnamasynda “häzirki wagtda harby desgalar we esasy infrastrukturalar bilen bagly gözegçilik işlerini, sabbotaž aksiýalary üçin ulaglaryň taýýarlanmagy we hüjümleriň gönüden amala aşyrylma ähtimallygyny öwrenmäge gönükdirildi” diýip, ýazdy.
